Þrír kaflar voru opnaðir í morgun á sérstakri ríkjaráðstefnu í Brussel í viðræðunum um inngöngu Íslands í Evrópusambandið til viðbótar við þá sem þegar hafa verið opnaðir samkvæmt fréttatilkynningu frá utanríkisráðuneytinu.

Um er að ræða kafla 9 um fjármálaþjónustu, kafla 18 um hagtölur og kafla 29 um tollabandalag en fram kemur í tilkynningunni að þar með hafi samtals 21 kafli verið opnaður í viðræðunum af þeim 33 sem semja þurfi um en í heildina eru kaflar viðræðnanna 35. Viðræðum um 10 kafla hefur verið lokið til bráðabirgða.

Þá segir að Stefán Haukur Jóhannesson, aðalsamningamaður Íslands, hafi farið fyrir íslensku sendinefndinni en í henni voru einnig Þórir Ibsen, sendiherra Íslands gagnvart Evrópusambandinu, Harald Aspelund, skrifstofustjóri Evrópumála í utanríkisráðuneytinu, Bryndís Kjartansdóttir, skrifstofustjóri í utanríkisráðuneytinu, og Auðunn Atlason, ráðgjafi utanríkisráðherra í Evrópumálum.

Ennfremur kemur fram að næsta ríkjaráðstefna verði haldin í desember næstkomandi og verður það hin síðari í formennskutíð Kýpur hjá Evrópusambandinu sem lýkur um áramótin.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Haraldur Haraldsson: Þrír viðræðukaflar opnaðir í morgun///Það er flýtimeðferð bara sett á,allt …
• Heimssýn: Össur framselur landhelgina til ESB