Óvissustig almannavarna, sem lýst var yfir í fyrradag vegna jarðskjálftahrinunnar úti fyrir Norðurlandi, er enn í gildi. Enn skelfur jörð fyrir norðan, en skjálftarnir í nótt og í morgun hafa verið talsvert minni en undanfarna daga.

„Mér sýnist þetta hafa verið tiltölulega rólegt í nótt. Flestir skjálftarnir í nótt voru í Eyjafjarðarál, það er ekki enn búið að vinna úr gögnunum, en mér sýnist að þeir séu mun minni en þeir sem verið hafa undanfarna daga. Enginn af skjálftunum í nótt er stærri en 3 að styrkleika, nokkrir mælast rúmlega 2,“ segir Sigþrúður Ármannsdóttir, jarðvársérfræðingur hjá Veðurstofu  Íslands.

Hún segir allt of snemmt að fullyrða að skjálftahrinan sé í rénun. 

„Það er enginn sem segir að þetta geti ekki tekið sig upp aftur og við fylgjumst grannt með.“

Tengdar fréttir

Jarðskjálftar á Norðurlandi

Óvenjuleg skjálftahrina við Hrísey

• Skjálftahrina norður af Gjögurtá
• Fjöldi eftirskjálfta — einn 3,3 að stærð
• Stærsti skjálftinn síðan 21. júní
• Stærsti skjálftinn í rúma viku

» Fleiri tengdar fréttir

• 2 blogg um fréttina

Bloggað um fréttina

• Sigurður Haraldsson: Engin veit.
• Pálmi Freyr Óskarsson: Jarðskjálfti mældist 2,4 á Richter 2,4 km NNV af ........