Finnar og Svíar taka þátt í loftrýmisgæslu
Hjörtur J. Guðmundsson
Setja bókamerki
Finnland og Svíþjóð ætla að taka þátt í norrænu verkefni við loftrýmisgæslu í kringum Ísland sem gert er ráð fyrir að hefjist árið 2014. Forsætisráðherrar landanna tilkynntu um þetta á 64. þingi Norðurlandaráðs sem nú stendur yfir í Helsinki, höfuðborg Finnlands, samkvæmt fréttavefnum Sympatico.ca.
„Finnsk stjórnvöld munu upplýsa íslensku ríkisstjórnina um það að við séum reiðubúin að taka þátt í loftrýmisgæslu við Ísland árið 2014 ásamt Svíum,“ sagði Tyrki Katinen, forsætisráðherra Finna, við blaðamenn í Helsinki. Haft er eftir forsætisráðherra Svíþjóðar, Fredrik Reinfeldt, að hann sé jákvæður gagnvart þátttöku Svía.
Fram kemur í fréttinni að málið hafi verið umdeilt bæði í Svíþjóð og þó einkum Finnlandi vegna hlutleysisstefnu landanna og þeirrar staðreyndar að Ísland er aðili að NATO. Stjórnarandstaðan í Finnlandi hafi beitt sér gegn þátttöku Finnlands í loftrýmisgæslunni og meðal annars sagt að það væri ekki Finna að sjá um loftrýmisgæslu NATO-ríkis.
Ennfremur er greint frá niðurstöðum skoðanakönnunar í Finnlandi sem birtar voru í dag en samkvæmt þeim eru 42% Finna andvíg þátttöku landsins í loftrýmisgæslunni við Ísland en 22% hlynnt henni. Aðrir tóku ekki afstöðu með eða á móti.
Minntust 10 ára drengs sem lést á öðrum degi jóla
Segir draug hafa ráðist á Ólaf Ragnar
Yfir 200 skjálftar frá upphafi hrinunnar
Vandamál með lendingarbúnað í annarri flugvél
Talið að flugeldum hafi verið skotið á svalirnar
„Við erum sátt“
„Þetta verður ekki spennandi seinni partinn“
Kann að vera þjóðráð að líta út fyrir þingflokkinn