Hefur hug á frekari þingsetu
Setja bókamerki
„Ég held að ég myndi alveg verða að gagni í svona fjögur ár í viðbót. Mér finnst þetta nefnilega alls ekki leiðinleg vinna þó hún sé dálítið ögrandi. En mér finnst þetta mjög gefandi og mikil forréttindi að fá að vera í umboði þjóðarinnar inni á Alþingi á svona tímum sem við erum á núna.“
Þetta segir Birgitta Jónsdóttir, þingmaður Hreyfingarinnar, í samtali við mbl.is spurð að því hvort hún hafi hug á að starfa áfram á Alþingi eftir þingkosningarnar á næsta ári ef hún fær til þess stuðning. Birgitta hefur eins og kunnugt er unnið ásamt fleirum að stofnun nýs stjórnmálaafls, Píratapartísins, og sú vinna er í fullum gangi að hennar sögn.
„Það vantar kannski svolítið fleira fólk með hliðstæðan vinkil og ég er með,“ segir Birgitta ennfremur og segist ætla að sjá til hverjir verða í framboði. „Ef ég sé eitthvert fólk sem er á svona sömu bylgjulengd og ég þá er ágætt að það verði endurnýjun en það er auðvitað líka ágætt að nýta reynslu og miðla henni áfram.“
Skotinn til bana við skyldustörf
„Ég hef verið kjaftaskur mikill“
„Sársauki okkar er nístandi“
Hvað er Trump búinn að gera?
Ekki tekist að vernda börn þrátt fyrir vitneskju
Viljum hvorki vera Danir né Bandaríkjamenn