Í áritun óháðra endurskoðenda, PricewaterhouseCoopers, á húsrekstrarsjóði hjúkrunarheimilisins Eirar, er tekið fram að áritunin sé gerð í umboði Ríkisendurskoðunar.

Hins vegar segir í svari Sveins Arasonar ríkisendurskoðanda til Eirar að  Ríkisendurskoðun sé óheimilt samkvæmt lögum að taka að sér úttekt á fjárhagsvanda húsrekstrarsjóðs Eirar þar sem rekstur hans er óviðkomandi ríkissjóði.

Stjórn hjúkrunarheimilisins Eirar óskaði eftir að Ríkisendurskoðun léti gera rannsókn á fjárhagsvanda Eirar, en félagið skuldar um 8 milljarða og er óljóst hvernig fer með endurgreiðslu á íbúðarétti þeirra sem búa í öryggisíbúðum á vegum Eirar.

Í svari Sveins Arasonar ríkisendurskoðanda kemur fram að ríkissjóður tekur þátt í kostnaði við rekstur hjúkrunarheimilisins Eirar samkvæmt þjónustusamningi við stjórnvöld. „Stofnunin telur sér hins vegar óheimilt að taka að sér fjárhagslega úttekt á fjárhagsvanda Húsrekstrarsjóðs Eirar, enda er rekstur hans óviðkomandi ríkissjóði,“ segir í svarinu.

Mynd af áritun PwC

Tengdar fréttir

Rekstrarvandi hjúkrunarheimilisins Eirar

Uppsagnir á Eir

• Veðskuldabréf ekki afmáð úr þinglýsingarbók
• Samkomulag í sjónmáli
• Kröfuhafar samþykktu nauðasamninga
• Vill rannsaka afmarkaða þætti í rekstri Eirar

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Axelsson: Eir sólundar eyri ekkjunnar