Magnús Orri „sveiflaðist mikið“
Setja bókamerki
Magnús Orri Schram var mjög ánægður með sína kosningu en hann fékk yfir 90% greiddra atkvæða í 1.-6. sæti. Endaði hann í 1.-3. sæti og fékk alls greidd 1841 atkvæði sem eru flest atkvæði allra sem voru á lista Samfylkingarinnar í SV-kjördæmi.
„Ég tel að með þessu sé fólk að taka undir þá framtíðarsýn sem kynnt að undanförnu. Þar legg ég áherslu á nútímaatvinnulíf og græna framtíð. Eins tel ég að hér verði ekki verðmætasköpun í landinu nema með almennilegu velferðarkerfi. Þessi sýn hefur farið vel í kjósendur í Kraganum.“
Hann segir að sú mikla bið sem varð meðan farið var yfir hluta atkvæða í kosningunni hafi verið erfið. „Að sjálfsögðu var hún erfið og maður sveiflaðist mikið. Mitt fólk studdi mjög mikið við bakið á mér og ég er afar þakklátur þeim sjálfboðaliðum sem lögðu hönd á plóg,“ segir Magnús Orri.
Pútín reynir allt til að forðast aðra herkvaðningu
Hópur fólks reyndi að komast að eldgosinu
Sjötti ferðamaðurinn er látinn
Hótar Bretum og Bandaríkjamönnum
Rússar sagðir útvega N-Kóreu milljón olíutunnur
„Höfum sloppið bærilega með skaða af þessu gosi“
Dómur þyngdur um þrjú ár
