Tæplega 1.600 manns hafa kosið
Setja bókamerki
Kosning stendur nú yfir í flokksvali Samfylkingarinnar í Suðvestur- og Norðausturkjördæmi. Rétt fyrir hádegi höfðu tæplega 1.200 manns kosið í flokksvalinu í Suðvesturkjördæmi og tæplega 400 manns í Norðausturkjördæmi samkvæmt upplýsingum frá flokknum en kosningarétt hafa flokksmenn og skráðir stuðningsmenn.
Samtals eru 5.683 á kjörskrá vegna forvalsins í Suðvesturkjördæmi og þar af 5.080 flokksfélagar og 603 skráðir stuðningsmenn. Tæplega 2.200 eru á kjörskrá í Norðausturkjördæmi.
Kosningarnar í kjördæmunum tveimur hófust á miðnætti aðfaranótt föstudags og lýkur kosningunni í Suðvesturkjördæmi klukkan 17 í dag og klukkan 18 í Norðausturkjördæmi. Um rafræna kosningu er að ræða sem fram fer á heimasíðu Samfylkingarinnar www.xs.is en þeir sem ekki eru nettengdir geta kosið á ákveðnum stöðum í kjördæmunum í dag.
Gert er ráð fyrir að niðurstöður í flokksvalinu liggi fyrir um klukkan 18:30-19:00 í kvöld.
Fréttaskýring mbl.is: Einn þingmaður dettur út
Sendi nektarmyndir af dreng sem hann passaði
„Við vöknuðum við hljóð frá sprengingum“
Vonir bundnar við morgundaginn
Ekki hægt að slá gosið út af borðinu strax
Fundur hafinn hjá kennurum, ríki og sveitarfélögum
Falskur fyrirvari á auglýsingum Höllu