Hálka um allt land

Hálkublettir eru nú á höfuðborgarsvæðinu, Reykjanesi, Hellisheiði og í Þrengslum. Flughált er á Nesjavallaleið. Hálka eða hálkublettir eru einnig mjög víða á Suðurlandi.

Um vestanvert landið er hálka á Fróðárheiði, Vatnaleið, Bröttubrekku og Holtavörðuheiði og hálkublettir á Laxárdalsheiði.

Á Vestfjörðum er hálka á flestum vegum. Snjóþekja er á Steingrímsfjarðarheiði, hálka og éljagangur á Gemlufallsheiði og krapi og éljagangur í Ísafjarðardjúpi.

Á Norðurlandi er víðast hvar hálka eða hálkublettir á vegum en snjóþekja á Hólasandi. Á Norðaustur- og Austurlandi er hálka eða hálkublettir á flestum leiðum en þó er vegurinn frá Reyðarfirði og suður með ströndinni greiðfær.

• 1 blogg um fréttina

Bloggað um fréttina

• Haraldur Haraldsson: Hálka um allt land//okkur ber að fara varlega mjög keyrandi …