VG lítur í eigin barm í kjölfar minni þátttöku
Setja bókamerki
Þátttaka í forvali Vinstri grænna á höfuðborgarsvæðinu nú um helgina var mun minni en fyrir síðustu þingkosningar, vorið 2009. Tæplega sex hundruðum færri kusu í forvalinu nú en fyrir rúmum þremur árum.
Í Reykjavík kaus 1.101 félagi í VG í forvali flokksins í mars árið 2009. Í forvalinu sem haldið var nú um helgina greiddu aðeins 639 manns atkvæði. Þetta er fækkun um 462 manns eða 42%. Í Suðvesturkjördæmi var það sama uppi á teningnum. Þar tóku 769 manns þátt í forvali árið 2009 en 487 manns nú. Það er fækkun um 282 manns eða um 37%.
Að mati Daða Heiðrúnarsonar Sigmarssonar, formanns svæðisfélags VG í Reykjavík, er dræmri þátttaka líklega til marks um að áhugi á pólitík hafi almennt minnkað. „Þetta er áminning um að við þurfum að standa okkur betur. Við þurfum að líta í eigin barm og sjá hvað við getum bætt og gert betur. Við höfum ekki sérstakar áhyggjur af þessu,“ segir Daði í Morgunblaðinu í dag.
Fyrsti blaðamannafundurinn í heild sinni
Þetta eru ráðherrar ríkisstjórnarinnar
„Börn heima sem maður myndi vilja hafa í skjóli“
Stormur á Þorláksmessu en víðast hvar stefnir í hvít jól
Samfylking og Viðreisn gáfu loforð
Ók á hóp fólks á jólamarkaði: Einn látinn
