Samherji greiðir 370.000 kr. launauppbót

Starfsfólk Samherja fær greidda út 378 þúsund króna launauppbót nú í desember, til viðbótar umsaminni 50 þúsund króna desemberuppbót. Í frétt á síðu fyrirtækisins segir að í maí hafi Samherji greitt aukalega 72 þúsund krónur í orlofsuppbót til starfsmanna. Fyrirtækið greiði því 450 þúsund á hvern starfsmann umfram kjarasamninga á árinu.

„Rekstur landvinnslu okkar gekk vel á árinu og starfsfólk hefur enn á ný skilað góðu verki,“ segir í skilaboðum frá Þorsteini Má Baldvinssyni og Kristjáni Vilhelmssyni á heimasíðu Samherja. Þeir segja jafnframt að ljóst sé að ástand á mörkuðum hafi þyngst verulega undanfarið og verð afurða sé undir miklum þrýstingi.

„Því miður hefur sjávarútvegurinn áfram þurft að eyða orku í deilur innanlands um atvinnugreinina, sem eru engum til framdráttar og er mál að linni. Við erum stoltir og glaðir að geta umbunað starfsfólki okkar með þessum hætti nú.“

• 5 blogg um fréttina

Bloggað um fréttina

• Egill Jón Kristjánsson: Fyrirtæki í forystu.
• Gísli Foster Hjartarson: Vel gert!
• Torfi Kristján Stefánsson: Þetta geta þeir en ekki lækkað fiskverð innanlands
• Björn Jónsson: Flottir.
• Davíð Þ. Löve: Já, já!