Starf miðla og særingamanna verði niðurgreitt
Setja bókamerki
Alþingi Íslendinga á ekki að láta staðar numið við niðurgreiðslu á starfsemi heilunarlækna, heldur ganga enn lengra og niðurgreiða starfsemi miðla og særingamanna. Svo segir í ályktun Ungra jafnaðarmanna um tillögu þriggja þingmanna um að ríkið niðurgreiði heildrænar meðferðir græðara.
Þrír þingmenn og varaþingmenn Samfylkingar og Vinstri-grænna, þær Guðrún Erlingsdóttir, Bjarkey Gunnarsdóttir og Ólína Þorvarðardóttir, lögðu í gær fram þingsályktunartillögu um að velferðarráðherra skipaði starfshóp sem kannaði þann möguleika að Sjúkratryggingar Íslands niðurgreiddu heildrænar meðferðir græðara, til jafns við aðra heilbrigðisþjónustu.
Ungir jafnaðarmenn segjast í ályktun nú síðdegis fagna frumvarpinu en bæta við:
„Ungir jafnaðarmenn vilja þó að Alþingi Íslendinga gangi enn lengra og niðurgreiði starfsemi miðla, særingamanna, veiti tímaflökkurum hæli óski þeir þess og verndi stofn íslenska einhyrningsins.
Ennfremur vilja Ungir jafnaðarmenn að Alþingi íslendinga hætti að sóa almannafé og tíma. Ungir jafnaðarmenn vilja betri forgangsröðun á útdeilingu á almannafé.“
Borgin verður af milljörðum eftir dóm Hæstaréttar
Á algjöru frumstigi eftir þrjár vikur af verkfalli
Óttast að fólk fari aftur að eyða peningum
Hvað gerðist eiginlega í VMA?
Átti ekki að láta pirring bitna á sjúklingi
Heitt vatn fannst sem gæti annað 10 þúsund manns