Ríflega 900 tonn flutt út af frosnum hvalaafurðum

„Markaðurinn fyrir hvalkjöt í Japan er dálítið erfiður. Það er enda niðursveifla í Japan. Það er ekki mikið í gangi. Hlutirnir ganga frekar hægt en þetta nuddast út,“ segir Kristján Loftsson, framkvæmdastjóri Hvals hf., um útflutning á hvalaafurðum til Japans það sem af er ári.

Spurður í Morgunblaðinu í dag hvort eyðileggingin vegna jarðskjálftans og flóðbylgjunnar í Japan í fyrra komi hér við sögu segir Kristján að fleira komi til.

„Það er rólegt yfir öllu í Japan. Það gildir það sama um fiskafurðir og hvalaafurðir.“