„Mikil neyð hjá mörgu fólki“
Setja bókamerki
Hjálparstarfinu á Eyjafjarðarsvæðinu bárust 300 beiðnir um aðstoð fyrir jólin. Á bak við hverja umsókn getur verið allt fá einum einstaklingi upp í sex til átta manna fjölskyldu, þannig að ekki hægt að áætla nákvæmlega hversu margir njóta hjálpar. Sigurveig Bergsteinsdóttir, formaður Mæðrastyrksnefndar Akureyrar, segir sannarlega víða þröngt í búi. Þetta kemur fram í viðtali við hana í Vikudegi.
„Já, það er mikil og skelfileg neyð víða og margir þarfnast aðstoðar. Í stærsta hópnum er fólk sem er á einhverjum bótum. Hjá þessu fólki er þröngt í búi og nánast ekkert má út af bregða. Ef bíllinn bilar, aukast útgjöldin og ef einhver önnur óvænt útgjöld verða, fer fjárhagurinn hreinlega úr skorðum. Og staðan hjá fólki sem er í eigin húsnæði er í mörgum tilvikum brothætt, svo ekki sé meira sagt.“
Að hjálparstarfinu standa Hjálparstarf kirkjunnar, Mæðrastyrksnefnd, Hjálpræðisherinn og Rauði krossinn á Akureyri.
Viðræður ekkert þokast frá því á þriðjudag
Reiðubúin að aflýsa verkföllum í fjórum leikskólum
Hraun kemur úr þremur gígum: Virknin stöðug
Hentugt gos fyrst gýs á annað borð
Sólveig Anna furðar sig á aðferðum kennara
Sjötti ferðamaðurinn er látinn
Rússar sagðir útvega N-Kóreu milljón olíutunnur