Úr dagbók lögreglu

Verkefni lögreglunnar á höfuðborgarsvæðinu voru af ýmsu tagi í gærkvöldi og í nótt eins og svo oft áður. Lögregla hafði meðal annars afskipti af hópi fólks sem grunað er um innbrot, veisluhaldi ungmenna og ökumanni sem hafði reykt kannabis.

Á áttunda tímanum í gærkvöldi stöðvaði lögregla bifreið, sem var á leið til borgarinnar, á Vesturlandsvegi við Þingvallaveg. Í bifreiðinni voru fjórir erlendir karlmenn um tvítugt,  sem grunaðir eru um þjófnaði og innbrot bæði í Reykjavík og á Akureyri. Þeir voru allir handteknir og er mál þeirra í rannsókn.

Skömmu eftir klukkan níu stöðvaði lögreglu bifreið á Bústaðavegi.  Ökumaður hennar hafði nýlega reykt  kannabis og var með nokkur grömm í fórum sínum.  Hann var færður til blóðsýnistöku eins og jafnan er gert þegar fólk er talið hafa ekið undir áhrifum fíkniefna.

Klukkan rúmlega eitt í nótt var kvartað undan  háværri tónlist á Vitastíg.  Þar hafði hópur ungmenna komið saman eftir menntaskólaball. Ungmennin lækkuðu tónlistina og linnti þá kvörtunum.

• 1 blogg um fréttina

Bloggað um fréttina

• Riddarinn : 4 erlendir kallmenn í ránsferð á Íslandi.....