Flestir styrktarforeldrar á Langanesi

Þegar skipting styrktarforeldra SOS barna á Íslandi er skoðuð eftir póstnúmerum og höfðatölu kemur í ljós að nágrannar Þórshafnar á Langanesi tróna á toppnum. Fjöldi þeirra SOS barna sem eiga íslenska styrktarforeldra er nærri 6.000 í dag og hefur þeim fjölgað nokkuð á árinu.

Samkvæmt upplýsingum frá SOS Barnaþorpum eru íbúar dreifbýlis Þórshafnar (póstnúmer 681) með flest SOS börn á sínu framfæri, þegar litið er til póstnúmera með fleiri en 100 íbúa. Þar er fimmta hvert heimili með styrktarbarn í SOS Barnaþorpi.

Af fjölmennum póstnúmerum eru flestir styrktarforeldrar í 107 Reykjavík og 601 Akureyri. Hér má sjá lista yfir tíu efstu póstnúmerin:

1. Þórshöfn, dreifbýli (681)

2. Laugarvatn (840)

3. Vík í Mýrdal (870)

4. Stöðvarfjörður (755)

5. Kópasker (670)

6. Hrísey (630)

7. Reykjavík (107)

8. Akureyri, dreifbýli (601)

9. Hofsós (565)

10. Þórshöfn (680)

• Blogga um frétt