Mögulegt að klára í dag

„Ég tel að það sé hægt að klára í kvöld ef allir leggjast á eitt en við þurfum bara að sjá hvernig þingstörfunum vindur fram í dag,“ segir Ásta Ragnheiður Jóhannesdóttir, forseti Alþingis, í samtali við mbl.is spurð hvenær gert sé ráð fyrir að Alþingi fari í jólaleyfi.

Þingfundur hófst á Alþingi klukkan tíu en samkvæmt fyrirliggjandi dagskrá þingsins er gert ráð fyrir því að 19 mál verði tekin fyrir í dag. Takist ekki að klára þau mál sem samkomulag er um að klára fyrir jólaleyfi má gera ráð fyrir að þingfundur verði einnig á morgun.

Meðal þeirra mála sem taka á fyrir í dag er frumvarp að lögum um ráðstafanir í ríkisfjármálum, frumvarp um breytingar á lögum um rannsóknarnefndir og breytingar á lögum um tekjustofna sveitarfélaga. Ennfremur lagafrumvarp til breytinga á dómstólalögum, barnalögum og lögum um fæðingar- og foreldraorlof.

Ásta Ragnheiður tilkynnti í upphafi þingfundar að samkomulag væri um það að þingfundur gæti staðið lengur í dag en þingsköp kveða á um.

• 1 blogg um fréttina

Bloggað um fréttina

• Haraldur Haraldsson: Mögulegt að klára í dag//Versta ríkisstórn allra tíma ættlar að …