Enn er önnur varaflsvélin biluð á Ísafirði og er unnið að viðgerð. Hin vélin sér hluta bæjarins fyrir rafmagni með aðstoð tveggja vatnsaflsvirkjana. Rafmagni er skammtað eins og hægt er, samkvæmt upplýsingum frá Orkubúi Vestfjarða.

Bilun er í spennistöð Móholti í Holtahverfi og ekki hefur tekist að koma rafmagni á hana og spennistöðvar tengdar henni.

Varaflsvélar eru í gangi í Bolungarvík sem sjá Hnífsdal einnig fyrir rafmagni. Varaaflsvélar eru einnig keyrðar í Súðavík, Suðureyri, Flateyri, Patreksfirði og á Bíldudal. Barðastrandarlína er biluð og er því ekki rafmagn á bæjum þar í kring. Bilun er einnig á sveitalínu í Dýrafirði. Ekki hefur verið hægt að koma rafmagni á sveitir í Önundarfirði.

Tálknafjarðarlína, Breiðadalslína 1 og Mjólkárlína 1 sem eru í eigu Landsnets eru bilaðar og því er ekki hægt að koma rafmagni frá Mjólkárvirkjun.

Orkubú Vestfjarða mbl.is/Halldór Sveinbjörnsson

Tengdar fréttir

Óveður í desember 2013

Tjón skiptir hundruðum milljóna

• Kortleggja á vandann hjá bændum
• Í reynd neyðarástand á Vestfjörðum
• Vestfirðir næstum fjarskiptalausir
• Kalla eftir skýringum

» Fleiri tengdar fréttir

• 1 blogg um fréttina

Bloggað um fréttina

• Guðrún María Óskarsdóttir.: Rafmagnið er ekkert sem við getum tekið sem sjálfsögðum hlut.