Rýming er enn í gildi á fimmtán stöðum, það þýðir að hvert bæjarfélag er talið sem einn staður og hver sveitabær sem einn staður, á Vestfjörðum að sögn lögreglunnar á Ísafirði. Almannavarnir munu funda um stöðuna klukkan ellefu og þar verður tekin ákvörðun um framhaldið.

Það er enn leiðinlegt veður á Ísafirði, töluverður skafrenningur og ofankoma. Samt sem áður ekkert í líkingu við það sem var í gær. Samkvæmt upplýsingum frá lögreglu hefur allt gengið vel í nótt og ekkert stórvægilegt komið upp á enda fáir sem engir á ferli.

Rafmagn byrjaði að koma á aftur um kvöldmatarleytið í gær og er nú komið á nánast allan bæinn á Ísafirði.

Enn er snjóflóðahætta víða á Vestfjörðum og nánast allir vegir ófærir.

Ekkert hefur verið flogið til Ísafjarðar að undanförnu en athuga á með flug þangað á hádegi. Von er á upplýsingum um flug þangað klukkan 10.30. Annað flug Flugfélags Íslands er á áætlun.

Tengdar fréttir

Óveður í desember 2013

Tjón skiptir hundruðum milljóna

• Kortleggja á vandann hjá bændum
• Í reynd neyðarástand á Vestfjörðum
• Vestfirðir næstum fjarskiptalausir
• Kalla eftir skýringum

» Fleiri tengdar fréttir

• 1 blogg um fréttina

Bloggað um fréttina

• P.Valdimar Guðjónsson: Gamaldags öryggistæki nauðsynleg.