Þung færð og óveður

Búast má við áframhaldandi ófærð víða um land í dag en spáð er norðan- og norðvestanátt og snjókomu eða éljum norðantil á landinu.

Fjallað er um annríki gærdagsins hjá björgunarsveitum í Morgunblaðinu í dag. Þar kemur meðal annars fram, að sjúklingur var fluttur sjóleiðina frá Flateyri inn í Holt þar sem tekið var á móti honum með sjúkrabíl. Þurfti að ryðja í gegnum nokkur snjóflóð á leið til Ísafjarðar. Þá dró björgunarsveitin Ernir á sjó bát sem strandaði í Bolungarvík.