Jón Bjarnason, þingmaður VG, segir skoðanakönnun sem mæli fylgi VG 9,1% sýna að kjósendur flokksins hafi fengið „gjörsamlega upp í kok.“

„Vissulega er þetta aðeins skoðanakönnun, skilaboð, en hún kemur okkur ekki á óvart, sem þekkjum vel til í grasrótinni,“ skrifar Jón á bloggsíðu sinni.

 „Kjósendur VG hafa fengið gjörsamlega upp í kok af þrákelkni þeirra forystumanna VG sem hafa keyrt þessa ESB-umsókn áfram, sumir undir þeim formerkjum að „kíkja í pakkann“. Sömu aðilar þykjast vera á móti aðild, en standa samt  að margvíslegum breytingum á stjórnsýslu og innviðum að kröfu ESB og þiggja milljarða króna frá sambandinu til aðlögunar íslensks samfélags að ESB,“ skrifar Jón.

  Jón segir þingmenn, forystufólk í félögum VG vítt og breitt um landið hafa séð sig knúið til að yfirgefa flokkinn.

„Til þess að bjarga VG frá hruni og endurvekja traust á baráttu fyrir grunngildum flokksins verður formaðurinn og aðrir forystumenn sem gengið hafa í björg ESB að brjótast undan því valdi og losa sig úr þeim álögum þegar í stað.

 Þarna er í raun ekkert val. Hér dugar enginn „heimiliskattaþvottur“, svo gengið sé í smiðju forsætisráðherra Samfylkingarinnar,“ skrifar Jón.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 6 blogg um fréttina

Bloggað um fréttina

• Njörður Helgason: NEI NEI NEI
• Jóhann Elíasson: NÚ KOMA SVIKIN GUNNARSSTAÐA MÓRA OG KLÍKUNNI HANS Í KOLL....
• Torfi Kristján Stefánsson: Er það svo?
• Ingimar Eggertsson: Það er lífsmark í VG!!!
• Jón Ingi Cæsarsson: Jón Bjarnason - einn úr forustunni.
• Ómar Bjarki Kristjánsson: Kjósendur VG komnir með uppí kok af Jóni Bjarnasyni og …