„Þetta kem­ur ekki á óvart og renn­ir enn frek­ari stoðum und­ir þá skoðun að það eina skyn­sam­lega í stöðunni sé að leggja þetta mál til hliðar,“ seg­ir Ragn­heiður Elín Árna­dótt­ir, þingmaður Sjálf­stæðis­flokks­ins og full­trúi í ut­an­rík­is­mála­nefnd Alþing­is, í sam­tali við mbl.is.

Eins og mbl.is fjallaði um fyrr í dag var ákveðið lík­lega ein­hvern tím­ann á síðasta ári að taka erfiðustu kafl­ana svo­nefnda í viðræðum um inn­göngu Íslands í Evr­ópu­sam­bandið, um sjáv­ar­út­vegs og land­búnaðar­mál, ekki fyr­ir fyrr en í lok viðræðnanna sem gæti orðið í lok þessa árs.

„Nú er verið að ýta erfiðu köfl­un­um fram í lok­in á viðræðunum. Hvers vegna er verið að gera það? Til þess að Evr­ópu­sam­bandið geti komið á allri sinni aðlög­un með til­heyr­andi IPA-styrkj­um og öðru til þess að reyna að hafa áhrif á skoðanir fólks? Fyr­ir mér eru þess­ir erfiðustu kafl­ar ekki skipti­mynt. Fyr­ir mér eru þeir grund­vall­ar­atriði og það er eins gott að taka þá fyr­ir strax og sjá hvað kem­ur út úr því eða bara sleppa þessu,“ seg­ir Ragn­heiður.

Gunn­ar Bragi Sveins­son, þing­flokks­formaður Fram­sókn­ar­flokks­ins, seg­ir það mjög skrítið ef ís­lensk­ir ráðamenn hafa gert ein­hvers kon­ar sam­komu­lag við Evr­ópu­samabndið um að geyma mik­il­væg­ustu kafl­ana, sjáv­ar­út­vegs- og land­búnaðar­mál­in, þar til síðast.

„Er það þá ekki gert til þess að leiða okk­ur lengra og lengra inn í aðlög­un­ar­ferliðí von um að erfiðara verði fyr­ir okk­ur að snúa til baka og nota sjáv­ar­út­vegs- og land­búnaðar­mál­in sem ein­hvers kon­ar gul­rót í því sam­bandi?“ spyr Gunn­ar.

Gunn­ar Bragi Sveins­son, þing­flokks­formaður Fram­sókn­ar­flokks­ins. mbl.is/Ó​mar Óskars­son

Tengd­ar frétt­ir

Ísland og ESB

Þor­gerður Katrín: Tolla­stríð gagn­ast eng­um

• Til Brus­sel til að koma á eðli­leg­um sam­skipt­um
• Ótt­ast ein­angr­un og hóta neit­un­ar­valdi
• Vilja end­urupp­töku á viðræðum um aðild að ESB
• Sekta ekki skip sem upp­fylla ekki kröf­ur

» Fleiri tengd­ar frétt­ir

• 3 blogg um frétt­ina

Bloggað um frétt­ina

• S i g u r ð u r S i g u r ð a r s o n: Ótrú­lega lé­leg samn­inga­tækni
• Ómar Bjarki Kristjáns­son: Og þá var spilað út stóra tromp­inu.
• Har­ald­ur Har­alds­son: Erfiðu kafl­arn­ir ekki skipti­mynt//​við verðum að hætta þessu!!!!!!