Tillaga um að Jón Bjarnason, þingmaður Vinstrihreyfingarinnar - græns framboðs, yrði tekinn úr utanríkismálanefnd Alþingis var lögð fram og samþykkt á þingflokksfundi VG í dag. Í stað Jóns kemur Þuríður Backmann. Jón verður í engum nefndum það sem eftir lifir kjörtímabilinu.

Þetta staðfestir Árni Þór Sigurðsson, þingmaður VG og formaður utanríkismálanefndar, í samtali við mbl.is. Þetta sé ein af þeim breytingum sem gerðar verði á nefndum í kjölfar þess að Guðfríður Lilja Grétarsdóttir, þingmaður VG, hafi hætt á þingi um áramótin. Árni tekur sjálfur sæti í efnahags- og viðskiptanefnd í stað Jóns.

Eins og mbl.is hefur fjallað um var Jón einn af flutningsmönnum tillögu í utanríkismálanefnd fyrir jól um að hlé yrði gert á viðræðunum um inngöngu Íslands í Evrópusambandið og þær ekki hafnar aftur nema með samþykki í þjóðaratkvæði. Myndaði hann þar meirihluta í nefndinni með fulltrúum framsóknarmanna og sjálfstæðismanna.

Taka á tillöguna til efnislegrar umfjöllunar á fundi nefndarinnar á morgun samkvæmt heimildum mbl.is en stuðningi Jóns við hana var illa tekið af forystumönnum VG. Þannig sagði Árni Þór á Alþingi 18. desember síðastliðinn að Jón hefði ákveðið að ganga til liðs við framsóknarmenn og sjálfstæðismenn án þess að bera það fyrst undir þingflokk VG þvert á reglur.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 4 blogg um fréttina

Bloggað um fréttina

• Páll Vilhjálmsson: Pólitískar hreinsanir í VG
• S i g u r ð u r S i g u r ð a r s o n: Allt í kleinu hjá þingflokki VG
• Haraldur Haraldsson: Jón úr utanríkismálanefnd//kallast þetta ekki einelti,það er ekkert annað!!!!
• Sigurður Jónsson: Refsað fyrir að fylgja stefnuskrá VG.