„Það hefur alltaf legið ljóst fyrir að það þyrfti að taka einhverja ákvörðun um vinnuhraðann og verklagið í aðdraganda kosninganna. Það er auðvitað mjög erfitt í aðdraganda kosninga að vera að marka nýja samningsafstöðu og taka nýjar ákvarðanir,“ segir Árni Páll Árnason, þingmaður Samfylkingarinnar, í samtali við mbl.is.

Ríkisstjórnin samþykkti á fundi sínum í morgun að hægja á viðræðunum um inngöngu Íslands í Evrópusambandið fram yfir þingkosningar í vor í ljósi þess að ekki reyndist mögulegt að klára viðræðurnar á kjörtímabilinu eins og til stóð.

„Það er auðvitað líka eðlilegt út frá lýðræðislegum grundvallarsjónarmiðum að nýr þingmeirihluti geti komið að málum í stærstu málaflokkum fyrst að ekki var búiðað ljúka við mótun samningsafstöðu í landbúnaði og sjávarútvegi. Þannig að ég held að þetta sé eðlilegt verklag,“ segir Árni.

„Öllu skiptir að ferlið er í fullum gangi og það er ekki búið að stöðva það. Það er þá sjálfstæð ákvörðun á nýju þingi hvort menn vilja slökkva á ljósunum eða ekki,“ segir hann ennfremur og bætir við að hann hafi enga trú á því að ný ríkisstjórn muni taka þá ákvörðun að hætta viðræðunum.

Tengdar fréttir

Ísland og ESB

Til Brussel til að koma á eðlilegum samskiptum

• Óttast einangrun og hóta neitunarvaldi
• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Árni Páll treystir á svik Sjálfstæðisflokksins