Enn óveður undir Hafnarfjalli

Óveður er enn undir Hafnarfjalli og sunnanmegin í Hvalfirði. Vindur er hins vegar að ganga niður undir Hafnarfjalli, á Kjalarnesi og norðanverðu Snæfellsnesi.

Það eru hálkublettir í Þrengslum. Hálka, hálkublettir eða snjóþekja á öðrum leiðum á Suðurlandi. Þæfingsfærð er á Lyngdalsheiði.

Á Vesturlandi  er þungfært  á Fróðárheiði og verið að moka, hálka er á Holtavörðuheiði. Greiðfært er orðið nokkuð víða þótt enn sé hálka eða hálkublettir á nokkrum stöðum.

Á Vestfjörðum er snjóþekja og skafrenningur á Steingrímsfjarðarheiði en hálka á  Þröskuldum. Flughálka er frá Brjánslæk að Klettshálsi. Snjóþekja er á Kleifaheiði en hálka á Hálfdáni og Mikladal. Hálka, snjóþekja eða krapi er á öðrum leiðum.

Á Norðvesturlandi er flughálka í Skagafirði og frá Sauðárkróki að Hofsósi, einnig á Út-Blönduhlíð. Greiðfært er í Húnavatnsýslum en hálka eða hálkublettir á öðrum leiðum.

Á Norðausturlandi er hálka á flestum leiðum í kringum Akureyri. Snjóþekja og skafrenningur er á Öxnadalsheiði. Hálka eða snjóþekja er á flestum öðrum leiðum.

Á Austurlandi er hálka eða hálkublettir  á flestum leiðum. Á Suðausturlandi er hálka frá Höfn að Lómagnúp en hálkublettir á öðrum leiðum.

• 1 blogg um fréttina

Bloggað um fréttina

• Haraldur Haraldsson: Enn óveður undir Hafnarfjalli//Við erum og eigum að vera orðin …