Fjölmiðlar erlendis hafa veitt ákvörðun ríkisstjórnarinnar í gær um að hægja á viðræðunum um inngöngu Íslands í Evrópusambandið talsverða athygli. Þannig hafa til að mynda fréttaveitur eins og Reuters og AFP greint frá ákvörðuninni sem og Bloomberg-fréttaveitan.

Sama er síðan að segja um fréttavef bandaríska dagblaðsins New York Times og breska viðskiptablaðsins Financial Times. Einnig fréttavef írska dagblaðsins Irish Times, norska dagblaðsins Nationen og fréttavefina Euobserver.com og Public Service Europe sem sérhæfa sig í fréttum af evrópskum málefnum. Sömuleiðis mætti nefna tyrkneska fréttavefinn Turkish Weekly og suðurameríska fréttavefinn Presna Latina sem er með höfuðstöðvar í Havana, höfuðborg Kúbu.

Fréttir erlendu miðlanna eru nokkuð á sömu leið. Greint er frá ákvörðun ríkisstjórnarinnar, tildrögum þess að sótt var um inngöngu í Evrópusambandið í kjölfar bankahrunsins hér á landi og stöðu viðræðnanna.

Einnig er í sumum miðlanna fjallað um að meirihluti landsmanna sé andvígur inngöngu í Evrópusambandið samkvæmt skoðanakönnunum og vilji draga umsóknina til baka. Þá er rætt um að mögulegt sé að næsta ríkisstjórn landsins verði andsnúin umsókninni.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Ásthildur Cesil Þórðardóttir: Sannleikurinn kemur utanfrá.
• Haraldur Haraldsson: Vekur athygli víða erlendis/er það furða þó gert sé grín …