Sláturfélag Suðurlands hefur ákveðið að styrkja Líf styrktarfélag suðurpólfarans Vilborgar Örnu Gissurardóttur um 250 þúsund krónur. Vilborg er fyrrum starfsmaður Sláturfélagsins og SS-pylsur voru hluti af fæði hennar á Suðurskautinu.

Á Facebook-síðu SS eru skilaboð um þetta þar sem segir: „Við óskum Vilborgu Örnu hjartanlega til hamingju með einstakt afrek við að ljúka göngu til suðurpólsins. SS pylsur voru hluti af matnum hennar en Vilborg vann á árum áður í sláturhúsi SS á Kirkjubæjarklaustri og því fyrrum starfsfélagi okkar.

SS mun af þessu tilefni styrkja Líf styrktarfélag, áheitafélag Vilborgar, um 250 þkr.“

Söfnun Vilborgar Örnu stendur enn yfir á vefsíðunni lifsspor.is þar sem frekar upplýsingar um afrek hennar er að finna, en söfnunin miðast að því að styðja við Kvennadeild Landspítalans.

SS-pylsur voru hluti af fæði Vilborgar á Suðurskautinu. Guðmundur Rúnar Guðmundsson

Tengdar fréttir

Vilborg Arna og leiðangrar hennar

„Maður gerist ekki minni“

• Vilborg ætlar að sofa í viku
• Vilborgu Örnu fagnað í Leifsstöð
• Ólýsanlegt að standa á toppnum
• Vilborg komin í grunnbúðirnar

» Fleiri tengdar fréttir

• Blogga um frétt