Dagur styður Guðbjart
Setja bókamerki
Dagur B. Eggertsson, varaformaður Samfylkingarinnar, lýsti því yfir í sjónvarpsþættinum Silfri Egils í dag, að hann styddi Guðbjart Hannesson í formannskjöri Samfylkingarinnar, sem nú stendur yfir.
Tveir eru í framboði í formannskjörinu, Guðbjartur og Árni Páll Árnason. Kosning til formanns Samfylkingarinnar hófst á föstudag og stendur kjörið yfir til mánudagsins 28. janúar, þegar frestur til að skila inn atkvæðum rennur út kl. 18.
Kosningarnar eru rafrænar og eru í gegnum vefsetur Samfylkingar, xs.is. Þeir sem þess óska geta fengið atkvæðaseðil sendan í bréfpósti á lögheimili og þarf beiðni um slíkt að berast skrifstofu flokksins í síðasta lagi kl. 18 á mánudaginn 21. janúar.
Kosningarétt hafa skráðir félagar í flokknum og eru rúmlega 18.000 á kjörskrá. Kjöri formanns verður lýst á landsfundi Samfylkingarinnar laugardaginn 2. febrúar.
Fullvissa ferðamenn um að hér sé öruggt
Mjög alvarlegt ef Njarðvíkuræð gefur sig
Líklega komin á seinni hluta hrinunnar í Svartsengi
„Má segja að þetta gos hafi þjófstartað“
Hótar Bretum og Bandaríkjamönnum
Virknin dregist saman um 600 metra
Litlar líkur á að hraunið nái til mannvirkja
Maskína: Framsókn í fallbaráttu