Oddný vill verða varaformaður

Oddný Harðardóttir þingmaður Samfylkingarinnar á Suðurlandi ætlar að gefa kost á sér til embættis varaformanns Samfylkingarinnar á komandi landsfundi flokksins.

„Í gær sagði ég félögum mínum á stefnuþingi Samfylkingarinnar í Suðurkjördæmi að ég hefði ákveðið að bjóða mig fram til varaformanns Samfylkingarinnar sem valinn verður á landsfundi 2. febrúar. Mér fannst mikilvægt að þau fengju að vita þetta fyrst og að tilkynningin kæmi þeim ekki á óvart þegar hún kæmi fram og nú fáið þið vinir mínir á fb einnig að vita um ákvörðun mína,“ segir Oddný á facebooksíðu sinni.

Dagur B. Eggertsson hefur ákveðið að sækjast ekki eftir endurkjöri sem varaformaður.

Atkvæðagreiðsla um formann Samfylkingarinnar stendur nú yfir, en kosningin er rafræn. Kosningunni lýkur 28. janúar.

• 1 blogg um fréttina

Bloggað um fréttina

• Óðinn Þórisson: Pólitísk dóttir Jóhönnu