Ekki er ósennilegt að makríldeilan berist í tal á ráðstefnu samtakanna Arctic Frontiers um samspil stjórnmála og þróunar á norðurslóðum sem nú stendur yfir í Tromsö í Noregi en Steingrímur J. Sigfússon, atvinnuvega- og nýsköpunarráðherra, flytur þar erindi ásamt Lisbeth Berg-Hansen, sjávarútvegsráðherra Noregs, og Mariu Damanaki, sjávarútvegsstjóra Evrópusambandsins.

Þetta segir Valdimar Halldórsson, aðstoðarmaður atvinnuvega- og nýsköpunarráðherra, í samtali við mbl.is spurður að því hvort gera megi ráð fyrir því að makríldeilan komi til tals á ráðstefnunni. Steingrímur flaug út til Noregs í gær og mun flytja ræðu sína á morgun ásamt Berg-Hansen. Damanaki mun hins vegar tala á ráðstefnunni í dag en ráðstefnan stendur alla þessa viku.

Valdimar segir að ræða Steingríms muni einkum fjalla um hagsmuni Íslendinga gagnvart þeirri hlýnun sem orðið hafi til þessa á Norðurslóðum. Ekki síst þau áhrif sem hún hafi haft á breytt göngumynstur sem aftur tengist óhjákvæmilega makrílnum.

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: 199 atkvæða maðurinn og 7 % fylgi wc