Í ófremdarástand stefnir á skurðstofum, á gjörgæslu og á svæfingardeildum Landspítalans ef uppsagnir hjúkrunarfræðinga á viðkomandi deildum munu ganga eftir.

Hjúkrunarfræðingar sem starfa á þessum deildum hafa farið í sérhæft nám til þess að sinna þeim störfum sem þar eru. Ekki verður hægt að fylla í skarð þeirra með skipulagsbreytingum að sögn Björns Zoëga forstjóra Landspítalans.

40 af 62 sagt upp störfum á skurðstofum

Á gjörgæslunni starfa 48 hjúkrunarfræðingar en þar af hafa 19 sagt upp störfum. 31 hjúkrunarfræðingur starfar á svæfingardeild en þar hafa 13 sagt upp störfum. Á skurðstofunum starfa 62 en 40 hjúkrunarfræðingar hafa sagt upp störfum þar.

Björn segir eðli þeirrar starfsemi sem sé inni á þessum deildum gera það að verkum að ekki sé hlaupið að því að fá hjúkrunarfræðinga sem geti sinnt starfinu.

„Við erum bæði með fólk sem er með sérnám í þessum deildum auk þess fólki inni á þessum deildum hefur mikla starfsreynslu. Þetta er því viðkvæm sérhæfð starfsemi. Þú færir hjúkrunarfræðinga ekki auðveldlega til í þessi störf, án fyrirvara, frekar en í þú gerir í öðrum sérhæfðum störfum,“ segir Björn.

Hann ítrekar að þjónustan muni skerðast ef til uppsagnanna kemur. „Við verðum með nýtt heilbrigðiskerfi ef þessar uppsagnir ganga eftir,“ segir Björn.

Björn Zoëga Morgunblaðið/Árni Sæberg

Tengdar fréttir

Kjaradeilur heilbrigðisstarfsfólks

Fátt jafn óheppilegt og deilur inn í viðkvæma starfsemi

• Sömdu við borgina
• Hjúkrunarfræðingar samþykktu miðlunartillögu
• Virkt samtal á tveggja stunda kynningarfundi
• „Áttuðu sig á hve illa verkfallið myndi bíta“

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Það tók 4 ár að eyðileggja heilbrigðiskerfið.