Vegagerðin varar við blæðingum í slitlagi og þá einkum í Austur-Húnavatnssýslu vestan Blönduóss. Ennfremur eru vegfarendur á leiðinni á milli Reykjavíkur og Akureyrar varaðir við því að slitlagskögglar af bifreiðum geti verið varasamir.

Þess utan er hálka eða hálkublettir víða á landinu. Þannig eru hálkublettir eru á Mosfellsheiði og hálka í Grafningi og á Kjósarskarðsvegi. Hálkublettir eru á Fróðárheiði á Vesturlandi en aðrar leiðir greiðfærar.

Ennfremur er hálka á Þröskuldum, Steingrímsfjarðarheiði og Hálfdáni á Vestfjörðum en hálkublettir á Mikladal og Kleifaheiði. Einnig eru hálkublettir á kafla í Ísafjarðardjúpi og á Innstrandavegi.

Hálkublettir eru að sama skapi víða á Norðurlandi. Hálka er þannig á Fljótsheiði og þaðan austur á öræfin. Sér í lagi er varað við slæmri hálku við Másvatn á Mývatnsheiði.

Þá er hálka á fjallvegum austanlands og til landsins. Snjóþekja er á Vatnsskarði eystra og Fjarðarheiði en flughálka á Fagradal. Greiðfært er hins vegar frá Fáskrúðsfirði suður um með ströndinni.

Tengdar fréttir

Blæðingar í slitlagi

Vilja gera meira en vandinn er peningalegs eðlis

• Vara við bikblæðingum: „Akið varlega“
• Vegir landsins: Hvar er klæðing og hvar er malbik?
• Segir ekkert til í því að bindingarefnið sé verra
• Voru í framkvæmdum þegar blæðingin hófst

» Fleiri tengdar fréttir

• 1 blogg um fréttina

Bloggað um fréttina

• Jack Daniel's: Er skýringin fundin á blæðingunni?