Engar blæðingar eru nú á veginum í Húnavatnssýslu vestan við Blönduós,að sögn lögreglunnar á Blönduósi, en tjörukögglar hafa dreifst víða um vegakerfið á Vestur- og Norðurlandi. 

„Við urðum ekki varir við blæðingar í dag. Byrjað er að kólna og þá hættir blæðingin. Í það minnsta tímabundið. Á veginum má sjá tjörukögglana. Mat okkar var það að þessir kögglar komi ekki til með að valda skemmdum á bílum þegar þeim er ekið um veginn,“ segir Þórður Rafn Þórðarson lögreglumaður á Blönduósi.

Á þeim köflum þar sem mestu blæðingarnar eru var lífolía notuð í malbikið. Segir Vegagerðin að vetrarblæðingar, í mun minna mæli, hafi þekkst síðan 1995, þegar notuð voru önnur íblöndunarefni.

Vegagerðin hefur í dag unnið að hreinsun á vegunum þar sem tjörukögglar hafa dreifst og mun halda því áfram í dag og næstu daga haldi þetta ástand áfram. Í næstu þíðu verður gerð tilraun með að dreifa steinefni í valda kafla til að stemma stigu við frekari blæðingum.

Blæðingar eru hættar samkvæmt lögreglunni á Blönduósi. mbl.is/Eggert Jóhannesson

Tengdar fréttir

Blæðingar í slitlagi

Vilja gera meira en vandinn er peningalegs eðlis

• Vara við bikblæðingum: „Akið varlega“
• Vegir landsins: Hvar er klæðing og hvar er malbik?
• Segir ekkert til í því að bindingarefnið sé verra
• Voru í framkvæmdum þegar blæðingin hófst

» Fleiri tengdar fréttir

• 2 blogg um fréttina

Bloggað um fréttina

• Eyjólfur Jónsson: UFO veldur skemmdum á vegum. Vegagerðin bendir ökumönnum á CIA …
• Gunnar Heiðarsson: Afdrifarík tilraun