Aðalmeðferð í svonefndu Al-Thani-máli er fyrirhuguð í apríl. Stutt fyrirtaka fór fram í Héraðsdómi Reykjavíkur í dag þar sem saksóknari sérstaks saksóknara lagði fram skjalaskrá og dómari tilkynnti meðdómendur í málinu. Enn er óvíst hversu langan tíma aðalmeðferðin mun taka.

Í Al-Thani-málinu eru ákærðir Hreiðar Már Sigurðsson, fyrrverandi forstjóri Kaupþings banka, Sigurður Einarsson, fyrrverandi stjórnarformaður bankans, Magnús Guðmundsson, fyrrverandi forstjóri Kaupþings banka í Lúxemborg, og Ólafur Ólafsson, sem átti stóran eignarhlut í bankanum. 

Ekki er fyllilega ljóst hvenær í apríl aðalmeðferð hefst eða hvenær henni lýkur. Sem stendur er þó gert ráð fyrir að hún hefjist 10. apríl og standi til 24. apríl. Það getur hins vegar breyst. 

Í dag spurði dómari saksóknara út í vitnalista og svaraði sá síðarnefndi því til að hann væri ekki tilbúinn. Drög að honum yrðu þó send sem fyrst. Vitni í málinu skipta tugum og gera má fastlega ráð fyrir því að reynt verði að leiða fjárfestinn Sheikh Mohamed bin Khalifa Al-Thani frá Katar fyrir dóminn.

Að öllu þessu loknu var málinu frestað fram í byrjun apríl þegar öll þessi atriði ættu að hafa skýrst.

Tengdar fréttir

Al Thani-málið

Yfirdeild MDE tekur Al-Thani málið fyrir á morgun

• Boðar ný gögn í málinu
• Ekki kerfisbrestur segir ráðherra
• Segir ríkið eiga næsta leik
• Gefi vonir um endurupptöku málsins

» Fleiri tengdar fréttir

• 1 blogg um fréttina

Bloggað um fréttina

• Sigurður Haraldsson: Og á meðan!