Tók myndir af nöktum stúlkum

Hæstiréttur hefur dæmt karlmann um þrítugt í fimm mánaða fangelsi fyrir að hafa tekið ljósmyndir af tveimur 14 ára stúlkum nöktum á ljósabekk á sólbaðsstofu, án þeirra vitneskju.

Maðurinn játaði sök í málinu en hann var dæmdur í fimm mánaða fangelsi í héraðsdómi einnig, þá voru þó þrír mánuðir bundnir skilorði. Hann var ákærður fyrir að hafa tekið að minnsta kosti 44 ljósmyndir af annarri stúlkunni sem voru af kynferðislegum toga, án hennar vitneskju, í lostugum og ósiðlegum tilgangi, er hún var nakin í ljósabekk, þar af 40 ljósmyndir þar sem kynfæri hennar sáust greinilega.

Og að hafa í allt að tvö aðgreind skipti tekið að minnsta kosti 52 ljósmyndir af hinni stúlkunni, án hennar vitneskju, í lostugum og ósiðlegum tilgangi, er hún var nakin í ljósabekk, þar af 42 ljósmyndir þar sem kynfæri hennar sáust greinilega.

• 1 blogg um fréttina

Bloggað um fréttina

• Haraldur Haraldsson: Tók myndir af nöktum stúlkum////Þetta tröllríður öllum fjölmiðlum um þessar …