„Við áttum hvergi bandamenn. Við fengum hvergi fyrirgreiðslu,“ sagði Steingrímur J. Sigfússon, atvinnuvega- og nýsköpunarráðherra, á Alþingi þar sem nú fara fram umræður um dóm EFTA-dómstólsins í Icesave-málinu. Hann sagðist binda vonir við að lánshæfimat Íslands hækkaði í kjölfarið.

Steingrímur sagði að Icesave-málið hefði verið það mál sem hefði verið einna stærst viðureignar í kjölfar hrunsins. „Nú getur batinn haldið áfram með fullri ferð,“ sagði hann. „Þetta hlýtur að vera okkur öllum mikið gleðiefni.“

Unnu ekki heimavinnuna sína

Hann sagði niðurstöðuna hreina og klára og að enginn hefði treyst sér til að spá fyrir um hana. „Möguleikarnir gátu verið þrír; við gátum unnið, tapað að hluta eða tapað alfarið. Margt bendir til þess að gagnaðilar okkar: Eftirlitsstofnun EFTA, ESB, Bretar og Hollendingar hafi verið svo sjálfsöruggir, svo vissir í sinni trú að þeir hafi ekki unnið heimavinnuna sína.“

„Við áttum hvergi bandamenn,“ sagði Steingrímur J. Sigfússon, atvinnuvega- og nýsköpunarráðherra á Alþingi í dag.

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Steingrímur, sjáðu sóma þinn að segja af þér.