„Á næsta kjörtímabili gefst ráðrúm til að móta betra þjóðfélag til framtíðar á grundvelli þess árangurs sem náðst hefur. Kjósendur eiga skýrt val um hvert skuli stefna,“ segir í tillögu að stjórnmálaályktun landsfundar Samfylkingarinnar sem nýkjörinn varaformaður flokksins, Katrín Júlíusdóttir, flytur nú.

Þar segir einnig: „Áskorunin sem stjórnmálaflokkar standa frammi fyrir er að endurnýja vonina um réttlátara samfélag og trú landsmanna á framtíðina, á tækifæri og möguleika. Meginverkefnið er að tryggja fjölbreytta atvinnu, tekjur, velferð og jöfnuð í anda norrænna jafnaðarmanna og sjálfbærrar þróunar.“

Og einnig: „Augljós þörf er fyrir bætt vinnubrögð í íslenskum stjórnmálum og nýja samskiptahætti. Þar vill Samfylkingin slá nýjan tón. Jafnaðarmenn vilja hvetja til samstarfs um mikilvæg hagsmunamál þvert á flokka og leggja áherslu á vandaða umræðu og víðtækt samráð við undirbúning mikilvægra ákvarðana.“

Enginn kvaddi sér hljóðs eftir ræðu Katrínar og var stjórnmálaályktun flokksins samþykkt samhljóða.

Hana má finna í heild sinni hér.

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Axelsson: Grín og gaman hjá Samfylkingunni?