Makrílkvóti fyrir árið 2013 hefur verið ákveðinn 15% minni en á síðasta ári en fram kemur á vefsíðu atvinnuvega- og nýsköpunarráðuneytisins að það sé í samræmi við veiðiráðgjöf Alþjóða hafrannsóknarráðsins ICES. Kvótinn í ár nemur alls 123.182 tonnum.

Fram kemur að áætlað sé að árið 2012 hafi heildarveiði Evrópusambandsins, Noregs, Íslands, Færeyja og Rússlands á makríl verið 920 þúsund tonn og nam veiðihlutur Íslands um 16%. Færeyjar og Rússland hafa ekki gefið út makrílkvóta vegna ársins 2013 en ef báðar þjóðirnar minnka sína veiði um 15% eins og Noregur, ESB og Ísland hafa gert mun hlutur Íslands haldast um 16%.

Haft er eftir Steingrími J. Sigfússyni, atvinnuvega- og nýsköpunarráðherra, á vefsíðunni að ákvörðun Noregs og ESB um að úthluta sér einhliða um 90% af ráðlagðri veiði læsi málið inni í óbreyttri stöðu. „Við getum ekki einir lækkað okkar hlutdeild meðan ekki nást sanngjarnir samningar, en á það leggjum við áfram mikla áherslu. Við núverandi aðstæður er því þessi ákvörðun næsta sjálftekin.“

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• 4 blogg um fréttina

Bloggað um fréttina

• Jóhann Kristinsson: Er Steingrímur J. kanski góður pókerspilari.......
• Jóhannes Laxdal Baldvinsson: Enn ein mistökin hjá Steingrími
• G. Tómas Gunnarsson: Fastir fyrir en skynsamir
• Sindri Karl Sigurðsson: Hvernig þá?