Elsa B. Friðfinnsdóttir, formaður Félags hjúkrunarfræðinga, segir að ekki sé búið að ákveða neina fundi í vikunni til þess að greiða úr kjaradeilu hjúkrunarfræðinga og Landspítalans.

„Við funduðum á þriðjudaginn og lýstum þá yfir vilja okkar til samninga, en tókum einnig fram að miðað við okkar mat á stöðunni og þetta afdráttarlausa mat á fundinum á mánudaginn  þyrfti skrefið núna að vera stærra í þessu jafnlaunaátaki og svo vildum við fá einhverja festu í að það yrði framhald á málinu,“ segir Elsa.

Spurð um næstu skref segir Elsa ljóst að annaðhvort þurfi að koma til meira fé úr ríkissjóði eða einhverjar tilfærslur innan spítalans.

Staðan skýrist á miðvikudaginn

Björn Zoëga, forstjóri Landspítalans, segir að staðan hafi ekkert breyst um helgina. Hjúkrunarfræðingum hafi verið kynnt fyrir helgi hver staðan sé en svo hafi þeir fram á þriðjudag til þess að vinna úr því. Staðan muni svo skýrast á miðvikudaginn.

Björn segir að ekki séu neinir fundir áætlaðir á næstunni. „Ef það kæmi að þeirra frumkvæði yrðum við fegin, en það er bara verið að skoða þessi mál öll.“

Tengdar fréttir

Kjaradeilur heilbrigðisstarfsfólks

Fátt jafn óheppilegt og deilur inn í viðkvæma starfsemi

• Sömdu við borgina
• Hjúkrunarfræðingar samþykktu miðlunartillögu
• Virkt samtal á tveggja stunda kynningarfundi
• „Áttuðu sig á hve illa verkfallið myndi bíta“

» Fleiri tengdar fréttir

• 1 blogg um fréttina

Bloggað um fréttina

• Sigurður Haraldsson: Skilaboð!