Lækn­ar Land­spít­al­ans skora á stjórn­völd að hætta við áform sín um að taka af lífi Land­spít­ala og heil­brigðis­kerfi Íslands á hæg­an og kvala­full­an hátt. Þetta seg­ir í álykt­un lækn­aráðs sjúkra­húss­ins. Lækn­ir á Land­spít­al­an­um seg­ir mæl­inn full­an og að heil­brigðis­kerfið sé komið fram af bjarg­brún­inni.

Hald­inn var al­menn­ur lækn­aráðsfund­ur lækna sjúkra­húss­ins á föstu­dag­inn þar sem staða heil­brigðis­kerf­is­ins var rædd. Einn þeirra sem sat fund­inn er Sig­urður Guðmunds­son, smit­sjúk­dóma­lækn­ir.

„Ég held að það sé ekki ofsagt að segja að mæl­ir­inn sé orðinn full­ur hvað lýt­ur að niður­skurðinum á Land­spít­al­an­um og í heil­brigðisþjón­ust­unni allri. Mönn­um var tíðrætt um tækja­búnað, launa­mál og álag, en það hef­ur verið óvenju­mikið um inn­lagn­ir að und­an­förnu. Í slíku ástandi er ekk­ert þanþol, það er ekki aðals­merki góðrar heil­brigðisþjón­ustu að þanþolið skuli vera svona lítið,“ seg­ir Sig­urður.

„Svo rædd­um við gangainn­lagn­irn­ar, sem eru ein birt­ing­ar­mynd vand­ans. Við erum að láta bráðveikt fólk liggja á göng­um í björt­um neon­ljós­um, þar sem gest­ir og starfs­fólk eiga leið um. Það er auðvitað al­veg skelfi­legt að þurfa gera þetta við veikt fólk.“

Lækn­ar á Land­spít­al­an­um hafa mikl­ar áhyggj­ur af stöðu heil­brigðis­kerf­is­ins. Eggert Jó­hann­es­son

Tengd­ar frétt­ir

Niður­skurður á Land­spít­ala

800 millj­óna halli Land­spít­ala

• Hætta á mis­tök­um í miklu álagi
• Hug­ur for­stjóra LSH hjá aðstand­end­um
• Bráðalausn á vanda bráðamót­töku ekki til
• Fjár­svelt heil­brigðis­kerfi póli­tísk ákvörðun

» Fleiri tengd­ar frétt­ir

• 6 blogg um frétt­ina

Bloggað um frétt­ina

• Ómar Gísla­son: Ný sýn sam­fylk­ing­ar­inn­ar á heil­brigðis­kerf­inu
• Ómar Geirs­son: Sjúkt fólk ber ábyrgð á ástand­inu.
• Guðrún María Óskars­dótt­ir.: Skil­greina þarf gæðastig sam­fé­lagsþjón­ustu, heil­brigðis og mennt­un­ar, á hverj­um tíma.
• Sig­urður Har­alds­son: Útil­okað!
• Ólaf­ur Örn Jóns­son: Og enn tek ég fram að fyr­ir kvót­ann byggðum við …
• Har­ald­ur Har­alds­son: Erum kom­in fram af bjarg­brún­inni/þ​etta er það sem þarf að …