„Ofurhuga“ á reiðhjóli bjargað

„Þetta var einhver þýskur ofurhugi sem ætlaði að hjóla til Reykjavíkur. Hann þurfti að fá aðstoð því veðrið var orðið bandbrjálað,“ segir Hilmar Hilmarsson hjá lögreglunni á Blönduósi eftir að björgunarsveit bjargaði þýskum hjólreiðamanni sem var í tjaldi þegar óveður skall á í morgun.  

„Maðurinn lá á tjaldinu sínu til þess að reyna að koma í veg fyrir að það fyki í burtu þegar að honum var komið. Í gær voru einhverjir vegfarendur að keyra og sáu þennan mann á reiðhjóli. Það ætlaði ekki að trúa eigin augum,“ segir Hilmar en mjög slæmt veður hefur verið við Langadal og víðar í allan dag. 

Björgunarsveit aðstoðaði manninn sem hafði fengið nóg af hjólreiðum og ætlaði að reyna að fá far til Reykjavíkur að sögn Hilmars. 

• 1 blogg um fréttina

Bloggað um fréttina

• Sigurður Haraldsson: Bilun!