Sindri formaður Bændasamtakanna

Sindri Sigurgeirsson, bóndi í Bakkakoti, var í dag kjörinn nýr formaður Bændasamtaka Íslands. Sindri hlaut 31 atkvæði en Guðbjörg Jónsdóttir, bóndi á Læk og formaður Búnaðarsambands Suðurlands, hlaut 13 atkvæði.

Guðbjörg tilkynnti framboð sitt skömmu fyrir formannskjörið.

Sindri er sauðfjárbóndi í Bakkakoti í Stafholtstungum í Borgarfirði og fyrrverandi formaður Landssamtaka sauðfjárbænda. Hann er 38 ára gamall.

Fráfarandi formaður Bændasamtakanna er Haraldur Benediktsson, en Haraldur skipar annað sæti á lista Sjálfstæðisflokksins í NV-kjördæmi í alþingiskosningunum í vor.

• 3 blogg um fréttina

Bloggað um fréttina

• Kristinn Snævar Jónsson: Landbúnaður til landvinninga
• Magnús Helgi Björgvinsson: Kannski rétt að benda formanni Bændasamtakana og varaþingmanni Framsóknar á …
• Haraldur Haraldsson: Sindri formaður Bændasamtakanna/Vonandi maður sem veldur þessu!!!