Hótaði nágranna með skotvopni

Sérsveit lögreglunnar var fengin til aðstoða lögregluna á Selfossi í gærkvöldi við að handtaka karlmann í uppsveitum Árnessýslu en maðurinn hafði hótað nágranna sínum lífláti með skotvopni.

Maðurinn, sem var drukkinn, hafði haft í hótunum við nágranna sinn allt kvöldið og þótti öruggara að fá sérsveitina til að handtaka manninn enda vopnaður. Hann gistir nú fangageymslur lögreglunnar á Selfossi og verður yfirheyrður þegar hann er í ástandi til þess.

• 1 blogg um fréttina

Bloggað um fréttina

• Ragnar Geir Brynjólfsson: Skotvopn á ekki að geyma á heimilum