Summa er hættur störfum á Íslandi

Finnski diplómatinn Timo Summa hefur látið af störfum sem sendiherra ESB á Íslandi. Summa fór af landi brott á þriðjudaginn var en hann sest nú í helgan stein á eftirlaunum. Nokkur styr hefur staðið um umsvif Summa á Íslandi.

Fram kom á vef Evrópuvaktarinnar að staða Summa hefði verið auglýst síðasta sumar en hann sagðist í samtali við Morgunblaðið í haust eiga von á að starfa fram á mitt þetta ár.

Summa hóf störf hér á landi 2009 eða í kjölfar þess að meirihluti þingmanna á Alþingi samþykkti að leggja fram aðildarumsókn að Evrópusambandinu.

• 1 blogg um fréttina

Bloggað um fréttina

• Páll Vilhjálmsson: Bandamaður Samfylkingar hverfur á braut