Breytingartillaga Margrétar Tryggvadóttur, þingmanns Hreyfingarinnar, við frumvarp formanna Samfylkingarinnar, Vinstrihreyfingarinnar - græns framboðs og Bjartrar framtíðar til breytinga á stjórnarskránni „gefur stjórnarandstöðu fullkomna afsökun til að tefja málið allt í málþófi og drepa það“ komi það til atkvæða.

Þetta segir Magnús Orri Schram, þingmaður Samfylkingarinnar, á Facebook-síðu sinni í dag en hann er talsmaður fyrir frumvarp formanna stjórnmálaflokkanna þriggja innan stjórnskipunar- og eftirlitsnefndar Alþingis. Eins og mbl.is hefur fjallað um lagði Margrét frumvarp að nýrri stjórnarskrá fram í gær sem breytingatillögu við frumvarp formannanna en Magnús sagði í gær tillöguna setja stjórnarskrármálið í uppnám.

„Sáttatillagan um að tryggja málinu framgang inn á næsta kjörtímabil og vinna það betur afvopnar andstæðinga ferilsins fullkomlega og tryggir endurskoðun stjórnarskrár framhaldslíf. Eigum við að reyna að breyta stjórnmálamenningunni? Að breyta stjórnarskrá Íslands með klækjastjórnmálum er ekki í þeim anda. Ef maður vill breytingar, þá verður maður að byrja á sjálfum sér,“ segir hann ennfremur.

Tengdar fréttir

Stjórnarskrármálið

Einkaverkefni forsætisráðherra

• Stjórnarskrárfélagið málaði hönd Danakonungs bláa
• Rúmlega helmingur styður tillögur stjórnlagaráðs
• Katrín vill sátt um annað en ósættið
• Feneyjanefndin skýrir mál sitt

» Fleiri tengdar fréttir

• 1 blogg um fréttina

Bloggað um fréttina

• Jón Ingi Cæsarsson: Hreyfingin vill stöðva stjórnarskrármálið.