Herjólfur siglir á ný til Landeyjahafnar á morgun en höfnin er nú orðin nógu djúp til að það sé hægt. Herjólfur hefur ekki siglt í Landeyjahöfn síðan skipið rakst utan í hafnargarðinn í slæmu veðri í nóvember. Síðan í marsbyrjun hefur verið unnið að því að dýpka höfnina.

Dýpkunarskipin Perla, Sóley og Dísa í eigu Björgunar voru notuð til verksins.

Fjórar ferðir til Landeyjahafnar verða farnar á morgun, samkvæmt vetraráætlun. Starfsfólk Herjólfs bendir farþegum á að þar sem enn er töluvert eftir af marsmánuði sé allra verða von og því mikilvægt að fylgjast vel með tilkynningum á vefsíðu Herjólfs, á facebook eða síðu 415 í textavarpi.

Brottför frá Vestmannaeyjum verður á morgun klukkan 8:00, 11:30, 17:30 og 20:30. Brottför frá Landeyjahöfn verður klukkan 10:00, 13:00, 19:00 og 21:30.

Tengdar fréttir

Landeyjahöfn

Landeyjahöfn „eitt mesta verkfræðislys seinni ára“

• Þörf á endurbótum á Landeyjahöfn
• Mannvit tekur út Landeyjahöfn
• Gerð verði óháð úttekt á Landeyjahöfn
• Umhverfisáhrif dýpkunar Landeyjahafnar metin

» Fleiri tengdar fréttir

• 1 blogg um fréttina

Bloggað um fréttina

• Sigurður Haraldsson: Hef ekki áhuga!