Aðferðin er „óvenjuleg og fáheyrð“

Ríkisskattstjóri gerir margvíslegar athugasemdir við nýtt frumvarp fjármálaráðherra um bætur til þeirra sem hafa tekið fasteignalán með lánsveðum, þ.e. tekið lán sem eru með veði í eign annarra.

Mælir stofnunin með að frumvarpið verði tekið til frekari athugunar áður en það verður að lögum. Því var dreift á Alþingi 14. mars sl., einum degi áður en þingi átti að ljúka eftir því sem sagði í starfsáætlun þingsins.

Í umfjöllun um mál þetta í Morgunblaðinu í dag kemur meðal annars fram, að samkvæmt frumvarpinu fellur það í hlut ríkisskattstjóra að reikna út vaxtabæturnar.