Stór skjálfti austur af Grímsey
Setja bókamerki
Rétt fyrir klukkan eitt í nótt mældist skjálfti að stærðinni 5,4 um 14 km austur af Grímsey. Skjálftinn fannst víða á Norðurlandi. Þá mældist annar upp á 4,1 14,3 km austur af Grímsey á sama tíma og sá þriðji upp á 3,1 um 13,9 km norðaustur af Grenivík. Allir á sama tíma samkvæmt vef Veðurstofu Íslands.
Veðurstofan sendi í kjölfarið frá sér yfirlýsingu þar sem segir að búast megi við talsverðri eftirskjálftavirkni í kjölfarið. Búast megi við að virknin haldi áfram og að fleiri skjálftar finnist. Ekki sé hægt að útiloka að skjálftar að svipaðri stærð komi í kjölfarið.
Eins og mbl.is hefur áður greint frá hefur verið viðvarandi skjálftahrina í allt kvöld og undanfarna daga en þó dró úr virkninni í gærkvöldi og byrjaði ekki aftur fyrr en síðdegis í dag.
Um 13 mínútur gengnar í tvö mældist svo skjálfti upp á 3,0 á svipuðum slóðum austur af Grímsey en allmargir skjálftar upp á 2,5 og þar um kring hafa einnig mælst. Um 20 skjálftar hafa mælst á svæðinu frá miðnætti.
Þá má sjá á vef Veðurstofunnar að stór skjálfti upp á 6,0 mældist um 114 km NNA af Kolbeinsey um 12 mínútur gengnar í tvö í nótt. Hafa verður þann fyrirvara á að hluti af tölunum eru óyfirfarnar á vef Veðurstofunnar.
Fylgjast með skjálftum í tölvunni
Ný ríkisstjórn kynnt á morgun
Var engin kristnitaka árið 1000?
Ók á hóp fólks á jólamarkaði: Einn látinn
Funda með þingflokkum
Forstjóri bendir á ábyrgð birgja vegna verðhækkana
Skattamál verði líklega „þeirra mesta klemma“
