Breskir fiskkaupendur hafa af því nokkrar áhyggjur að fríverslunarsamningur Íslands og Kína kunni að hafa áhrif á framboð á íslenskum fiski í Bretlandi og verðlag í þeim efnum. Þetta kemur fram á fréttavefnum Fishupdate.com.

Fríverslunarsamningurinn var sem kunnugt er undirritaður um miðjan síðasta mánuð en hann tekur ekki síst til viðskipta með fiskafurðir. Búist er við að slík viðskipti á milli Íslands og Kína eigi eftir að aukast mjög fyrir tilstuðlan samningsins.

Fram kemur í fréttinni að aukin sala á íslenskum fiski til Kína kunni að draga úr framboði til Bretlands og annarra Evrópuríkja sem aftur kunni að þýða að verð á fiskafurðum hækki en mikil eftirspurn sé í Kína eftir íslenskum fiski. Þannig kaupi Kínverjar til að mynda mikið af makríl frá Íslandi.

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• 2 blogg um fréttina

Bloggað um fréttina

• Axel Jóhann Axelsson: Hvað um viðskiptabann ESB?
• G. Tómas Gunnarsson: Nauðsynlegt að minnka vægi Evrópu í utanríkisviðskiptum Íslendinga