Fjórir ferðamenn fastir á ísjaka

<span>Björgunarsveitirnar Kári í Öræfum og Björgunarfélag Hornafjarðar eru nú á leið að Fjallsárlóni þar sem fjórir erlendir ferðamenn sitja fastir á ísjaka um 10 m frá landi. </span> <span><br/></span> <span>Mennirir voru að skoða lónið og stukku á jaka sem var fast upp við land. </span>

Skipti þá engum togum að jakinn flaut frá landi. Einn ferðamannanna náði að stökkva aftur á þurrt en hinir flutu með jakanum það langt út að þeir treystu sér ekki til að komast í land af sjálfsdáðum.

<span> </span> <span>Bændur á svæðinu eiga lítinn bát sem er við lónið og notaður er til að ferja fé yfir það. Verður reynt að ná í mennina á honum. Einnig er bátur frá Jökulsárlóni á leið á staðinn til aðstoðar.</span>