Forsetinn fundar með Sigmundi
Frá fundi Ólafs Ragnars Grímssonar og Sigmundar Davíð Gunnlaugssonar skömmu eftir kosningar.
mbl.is/Golli
Setja bókamerki
Forseti Íslands, Ólafur Ragnar Grímsson, mun funda á morgun með Sigmundi Davíð Gunnlaugssyni, formanni Framsóknarflokksins, samkvæmt tilkynningu frá forsetaembættinu en fundurinn mun hefjast klukkan 9.00 í fyrramálið.
Fundarefnið er stjórnarmyndunarviðræður Framsóknarflokksins og Sjálfstæðisflokksins sem staðið hafa yfir að undanförnu en Ólafur fól Sigmundi stjórnarmyndunarumboð 30. apríl síðastliðinn.
Flokksráð Sjálfstæðisflokksins og miðstjórn Framsóknarflokksins funda í kvöld um fyrirhugað ríkisstjórnarsamstarf og þær áherslur sem nýrri stjórn er ætlað að hafa samkvæmt málefnasamningi sem liggur fyrir, en fundirnir hefjast báðir klukkan 20.30.
Fundur hafinn hjá kennurum, ríki og sveitarfélögum
Dæla, kæla og verja mikilvæg mannvirki
Vöruflutningavél brotlenti í Litháen
Viðtöl við oddvitana í Suðurkjördæmi
„Sá vegur er bæði háll og myrkur“
Auka aðgengi að Grindavík
Kæling hraunsins þykir skila góðum árangri